சிவகாசி; சிவகாசி வெங்கடாஜலபதி பெருமாள் திருக்கோயிலில் பிரமோற்சவ திருவிழாவை முன்னிட்டு சட்ட தேரோட்டம் நடந்தது. சிவகாசி வெங்கடாஜலபதி பெருமாள் திருக்கோயிலில் பிரமோற்சவ திருவிழா ஜன. 21 ல் கொடியேற்றத்துடன் துவங்கியது. சுவாமிகளுக்கு அலங்காரம் செய்யப்பட்டு சிறப்பு பூஜை நடந்தது. தொடர்ந்து பத்து நாட்கள் தொடர்ந்து நடைபெறும் திருவிழாவில் தினமும் காலை 10:00 மணிக்கும் இரவு 8:00 மணிக்கு சுவாமி அலங்கரிக்கப்பட்ட ரதத்தில் வீதி உலா வந்து பக்தர்களுக்கு அருள் புரிந்தார். 9 ம் திருவிழாவான இன்று சுவாமிகளுக்கு சிறப்பு அலங்காரம் செய்யப்பட்டு சட்ட தேரோட்டம் நடந்தது. சட்டத் தேரோட்டத்தில் சுவாமிகள் எழுந்தருளி நான்கு ரத வீதிகளிலும் வலம் வந்து பக்தர்களுக்கு காட்சியளித்தார். இன்று மஞ்சள் நீராட்டம் நடைபெறும்.