சென்னை; திருமலை திருப்பதி வெங்கடேஸ்வர பெருமாள் கோவிலில், தினசரி அதிகாலை முதல் நள்ளிரவு வரை பல சேவைகள் நடக்கின்றன. அவற்றில், ஜூன் மாதம் நடக்கவுள்ள சேவைகளுக்கான முன்பதிவு தேதிகள் அறிவிக்கப்பட்டுள்ளன.

அதன்படி, ஸ்ரீவாரி ஆர்ஜித சேவை எலக்ட்ரானிக் குலுக்கக்கான முன்பதிவு நாளை காலை 10:00 மணி வரை முன்பதிவு செய்யலாம். ஸ்ரீவாரி ஆர்ஜித சேவைக்கான கல்யாண உற்சவம், ஊஞ்சல் சேவை, ஆர்ஜித பிரம்மோற்சவம், சகஸ்ர தீப அலங்கார சேவைகளுக்கு வரும், 21ம் தேதி காலை 10:00 மணிக்கு முன்பதிவு துவங்குகிறது. ஜேஸ்டாபிஷேக சேவை ஜூன்,9 முதல் 11ம் தேதி வரையிலான தரிசனத்திற்கான முன்பதிவு வரும், 21ம் தேதி காலை 10:00 மணிக்கு நடக்கிறது. ஆன்லைன் வாயிலாக தரிசிக்கும் கல்யாண உற்சவம், ஆர்ஜித பிரம்மோற்சவம், சகஸ்ர தீப அலங்கார சேவைகளுக்கான முன்பதிவு வரும், 21ம் தேதி மாலை 3:00 மணிக்கு துவங்குகிறது. அங்கப்பிரதக்‌ஷணம் செய்வதற்கான முன்பதிவிற்கு வரும், 22ம் தேதி காலை 10:00 மணிக்கும்; மூத்த குடிமக்கள், மாற்று திறனாளிகள் தரிசனத்திற்கான முன்பதிவு, மாலை 3:00 மணிக்கும் துவங்குகிறது. ஜூன் மாத சிறப்பு தரிசனம், 300 ரூபாய்க்கான முன்பதிவு வரும், 24ம் தேதி காலை 10:00 மணிக்கு துவங்குகிறது. அன்று மாலை 3:00 மணிக்கு, திருமலை மற்றும் திருப்பதியில் தங்கு விடுதிகளுக்கான முன்பதிவு துவங்குகிறது.