தேவகோட்டை; தேவகோட்டை அருகே கண்டதேவியில் சிவகங்கை சமஸ்தானத்தின் குங்கும காளியம்மன் கோயில் உள்ளது. இக்கோயில் ஆனித் திருவிழா கடந்த 17 ந்தேதி கொடியேற்றத்துடன் தொடங்கியது. தினமும் அம்மன் சிறப்பு அபிஷேகம் அலங்காரம் பூஜைகள் நடந்தன. குங்கும காளியம்மன் சிறப்பு அலங்காரத்தில் சிறப்பு வாகனங்களில் வீதி உலா வந்த அருள்பாலித்தார். ஒன்பதாம் நாளான நேற்று மாலை குங்கும காளியம்மன் சிறப்பு அலங்காரத்தில் தேரில் வீற்றிருக்க பக்தர்கள் தேரை வடம் பிடித்து இழுத்தனர். டி.எஸ்.பி. கவுதம் தலைமையில் நூற்றுக்கணக்கான போலீசார் பாதுகாப்பு பணியில் ஈடுபட்டனர்.