கோபிசெட்டிபாளையம்: கோபி மொடச்சூர் தான்தோன்றியம்மன் கோவிலில் டிசம்பர் 27ம் தேதி குண்டம் திருவிழா நடக்கிறது.மொடச்சூர் தான்தோன்றியம்மன் கோவில் குண்டம் திருவிழா டிசம்பர் 12ம் தேதி பூச்சாட்டுதலுடன் துவங்கியது. டிச., 24 தேதி காலை, 11 மணிக்கு மகா அபிஷேகம், 12.30 மணிக்கு மகா தீபாராதனை, இரவு 7 மணிக்கு சந்தனக்காப்பு அலங்காரம், இரவு, 10 மணிக்கு கிராம சாந்தி, கொடியேற்றம் நடக்கிறது. டிச., 26ம் தேதி காலை, 7.30 மணிக்கு மாவிளக்கு பூஜை, 27ம் தேதி அதிகாலை 3 மணிக்கு அம்மை அழைத்தல், காலை, 7.45 மணிக்கு குண்டம் இறங்குதல் நடக்கிறது. 28ம் தேதி திருத்தேர் வலம் வருதல், 29ம் தேதி இரவு 10 மணிக்கு புஷ்ப பல்லக்கில் அம்பாள் திருவீதி உலா வருதல், 30ம் தேதி தெப்பத்தேர் உற்சவம், இரவு 7 மணிக்கு மறு பூஜை நடக்கிறது.