சபரிமலை: சபரிமலை அய்யப்பன் கோவிலுக்கு, எட்டு நாளில், 29 கோடி ரூபாய் வருவாய் கிடைத்துள்ளது. சபரிமலை அய்யப்பன் கோவிலில், தற்போது மகரஜோதி உற்சவம் நடந்து வருகிறது. உற்சவம் துவங்கிய, எட்டு நாளில், பக்தர்கள் காணிக்கையாக செலுத்திய தொகை மற்றும் பிரசாதங்கள் விற்பனை உட்பட, பல வகையில், 29 கோடி ரூபாய் வருவாய் கிடைத்துள்ளது. இது கடந்த ஆண்டு, இதே கால கட்டத்தில் கிடைத்த வருவாயை விட, 4.5 கோடி ரூபாய் அதிகம். கோவிலில், நவம்பர், 16 முதல், டிசம்பர், 24 வரையிலான மண்டல உற்சவ காலத்தில், 110 கோடி ரூபாய் வருவாய் கிடைத்தது குறிப்பிடத்தக்கது.