சிவகிரி: சிவகிரி அருகே தேவதானம் கல்லணை ராம பக்தர் அனுமன் கோயிலில் இன்று அனுமன் ஜெயந்தி நடக்கிறது. அனுமன் ஜெயந்தியான இன்று காலை 6 மணிக்கு அபிஷேகம் நடக்கிறது. தொடர்ந்து 10 மணிக்கு பால், தயிர், நெய், கரும்பு, பன்னீர், இளநீர், எலுமிச்சை உட்பட 18வகையான நறுமண வாசனை பொருட்களால் அபிஷேகம் செய்யப்படுகிறது. பிறகு துளசிமாலை, வடைமாலை, வெற்றிலை மாலையுடன் அலங்காரம் செய்யப்பட்டு பூஜை நடக்கிறது. காலை முதல் இரவு வரை ஆஞ்சநேயரை தரிசனம் செய்ய வரும் பக்தர்களக்கு பிரசாதம் வழங்கப்படுகிறது. மேலும் ராமபிரான், அனுமனுக்கு புஷ்பாஞ்சலி நடக்கிறது. ஏற்பாடுகளை கோயில் தர்மகர்த்தா முத்துசுவாமிகள் செய்துள்ளார்.