அவிநாசி; அவிநாசி லிங்கேஸ்வரர் கோவிலில் ஆனி திருமஞ்சன தரிசன விழா சிறப்பாக நடைபெற்றது.

கொங்கேழு சிவ ஸ்தலங்களில் முதன்மையானதாகவும், காசியில் வாசி அவிநாசி என்ற போற்றுதலுக்குரிய தலமாகவும் விளங்கும் ஸ்ரீ கருணாம்பிகை உடனமர் அவிநாசி லிங்கேஸ்வரர் கோவிலில் ஆனி திருமஞ்சன விழா வெகு விமர்சையாக நடைபெற்றது. இதில் ஆடல் வல்லான் ஸ்ரீ நடராஜ பெருமானுக்கும், ஸ்ரீ சிவகாமி அம்பாளுக்கும் 16 வகையான திரவியங்களில் அபிஷேகங்கள் நடைபெற்றது. முன்னதாக திருவாசக பாடல்களை சிவனடியார்கள் பாராயணம் செய்தனர். அதனைத் தொடர்ந்து சிறப்பு அலங்காரம், பூஜைகள் மஹா தீபாராதனைகள் நடைபெற்றது.