தூத்துக்குடி: உலகப் புகழ்பெற்ற தூத்துக்குடி மாவட்டம் குலசேகரன்பட்டினம் முத்தாரம்மன் கோவில் தசரா திருவிழாவில் ஏராளமான பக்தர்கள் குவிந்துள்ளனர். வேடமனிந்து காணிக்கை வசூல் செய்து நேர்த்தி கடன் நிறைவேற்றி வருகின்றனர். 

குலசேகரன்பட்டினம் முத்தாரம்மன் கோவில் தசரா திருவிழா கடந்த 11ம் தேதி கொடியேற்றத்துடன் தசரா திருவிழா துவங்கியது.. மைசூருக்கு அடுத்தபடியாக குலசேகரன் பட்டினத்தில் தசரா திருவிழா வெகு விமர்சையாக கொண்டாடப்பட்டு வருகிறது.. லட்சக்கணக்கான பக்தர்கள் கோவிலில் குவிந்த வண்ணம் உள்ளனர். பல்வேறு வேடங்கள் அணிந்து ஊர் ஊராக சென்று காணிக்கை வசூல் செய்து தங்கள் நேர்த்தி கடனை நிறைவேற்ற இன்று கோவிலில் குவிந்த பக்தர்கள் தாங்கள் காணிக்கையாக வசூல் செய்த காணிக்கைகளை கோவில் உண்டியலில் செலுத்தி தங்கள் நேர்த்தி கடனை நிறைவேற்றினர். இன்று நள்ளிரவு 12 மணிக்கு கோவில் கடற்கரை மைதானத்தில் மகிஷாசுர சம்ஹாரம் நடைபெறுகிறது.. சுமார் 4000க்கும் மேற்பட்ட காவல்துறையினர் பாதுகாப்பு பணியில் ஈடுபட்டுள்ளனர். சுமார் 300-க்கும் மேற்பட்ட சிசிடிவி கேமராக்கள் மூலம் கண்காணிக்கப்பட்டு வருகிறது. தென் மாவட்டங்களில் இருந்து சிறப்பு பேருந்துகள் ஏற்பாடு செய்யப்பட்டுள்ளது.