செஞ்சி:செஞ்சி பகுதி சிவன் கோவில்களில் பிரதோஷ வழிபாடு நடந்தது. செஞ்சி காமாட்சியம்மன் உடனுறை ஏகாம்பரேஸ்வரர் கோவிலில் நேற்று முன்தினம் பிரதோஷ வழிபாடு நடந்தது. மாலை 3 மணிக்கு நந்தீஸ்வரருக்கு பால் அபிஷேகம் செய்தனர். தொடர்ந்து ஏகாம்பரேஸ்வரர், காமாட்சியம்மனுக்கு சிறப்பு அபிஷேகம், அலங்காரம், மகா தீபாராதனை நடந்தது. பக்தர்கள் அகல் விளக்கேற்றி வழிபட்டனர். பூஜைகளை கிரிசங்கர் குருக்கள் செய்தார்.செஞ்சி பீரங்கிமேடு அருணாச்சலஈஸ்வரர் கோவிலில் சிறப்பு பூஜை, மகா தீபாராதனை நடந்தது. பெண்கள் அகல் விளக்கேற்றி வழிபட்டனர். திருப்பணிக்குழு தலைவர் டாக்டர் ரவிச்சந்திரன் மற்றும் திருப்பணிக்குழுவினர் கலந்து கொண்டனர்.முக்குணம் திருமுக்குன்ற நாத உடையார் கோவிலில் நந்தீஸ்வரருக்கு சிறப்பு அபிஷேகம், தீபாராதனை நடந்தது. முக்குன்ற நாதருக்கு சிறப்பு அலங்காரம் செய்தனர். சாமி கோவில் உலா நடந்தது.