*கீதையை வழிபடுவது கிளிப்பிள்ளை போல தினமும் படிப்பது அன்று. அதன் உபதேசத்தைக் கடைபிடித்து வாழ்வது மட்டுமே.
*மறைந்த எந்த மனிதரையும் வணங்காமல் சத்தியத்தின் வடிவமான கடவுளை மட்டும் வணங்குவதே சரியான நெறிமுறை.
*பிரார்த்தனை என்பது வெறும் ஜெபமாலையை உருட்டுவது அல்ல. இதயப்பூர்வமானதாக இருப்பதே உண்மையான பிரார்த்தனை.
*பாவத்தை வெறுக்க வேண்டுமே ஒழிய பாவியை வெறுப்பது கூடாது. உலகில் வெறுப்பு என்னும் நஞ்சு பரவுவதற்கு வெறுப்பே காரணம்.
*நற்செயல்களைப் புகழ்வதோடு, அதை செய்த நல்லவர்களை மதிப்போம். தீய செயல்களை இகழ்வோம். ஆனால், அதைச் செய்தவர்கள் மீது இரக்கம் காட்டுவோம்.
*கடவுள் வழங்கிய ஆற்றலைப் பணம் தேட மட்டும் செலவு செய்யாதீர்கள். அதைக் கொண்டு மக்களுக்குத் தொண்டு செய்யுங்கள்.
*கடவுளை நம்பி நின்றால், பிறரால் எதிர்க்க முடியாத தைரியம் மனதில் பிறக்கும்.
*நியாயவழியில் செல்பவனுக்கு உதவி கிடைக்கும் என்பது நியதி. திக்கவற்றவருக்குத் தெய்வமே துணை என்பார்கள்.
*உடம்பில் இருக்கும் பலத்தைக் காட்டிலும், மனதில் இருக்கும் பயத்தைப் போக்குவது தான் மிகப் பெரிய பலம்.
*கடவுள் நம்மிடம் எதையும் எதிர்பார்க்கவில்லை. அப்படி ஏதாவது பெற வேண்டுமானால் அவர் அன்பு நிறைந்த இதயத்தை மட்டுமே நம்மிடம் எதிர்பார்க்கிறார்.
*பிரார்த்தனை காலையின் திறவுகோலாகவும், மாலையின் தாழ்ப்பாளாகவும் இருக்கிறது. அதனால், ஒவ்வொருநாளும், பிரார்த்தனையில் தொடங்கி பிரார்த்தனையில் முடிய வேண்டும்.
*நல்லெண்ணத்துடன் தொடங்கிய முயற்சி வீண்போவதில்லை. மனிதனின் பங்களிப்பு முயற்சியில் இருக்கிறது. அதன் பலனோ கடவுளின் கையில் உள்ளது.
*உணவு இல்லாமல் கூட மனிதன் உயிர் வாழ முடியும். ஆனால், பிரார்த்தனை இல்லாமல் அரை நிமிடம் கூட வாழ முடியாது.
*மனிதனிடம் உள்ள தீய குணங்களைப் போக்குவதற்கு பிரார்த்தனையை விடச் சிறந்த மார்க்கம் வேறில்லை.
*சிறு சிறு செயல்களில் கூட உண்மையாக நடப்பதுவே தூயவாழ்வு பெறுவதற்கான ரகசியம்.
*எண்ணத்தை விட ஆற்றல் மிக்க பொருள் உலகில்கிடையாது. கடவுள்ஒருவரால் மட்டுமே எண்ணத்தை அறிய முடியும். எப்போதும் மனதைத் தூய்மையாக வைத்துக் கொள்வது அவசியம்.
*அளவாக உண்ண வேண்டுமேயன்றி சுவைக்காக உண்பது கூடாது. ஆரோக்கியத்திற்காக மட்டும் உண்பது அவசியம்.
*உழைப்பு இல்லாமல் சாப்பிடுவதற்கு யாருக்கும் உரிமையில்லை. உழைப்பவர் கைகளில் தான் உலகம் இருக்கிறது. பிறர் உழைப்பில் ஒருபோதும் வாழ்வது கூடாது.
*நாணயமாகச் சம்பாதிக்கும் எந்த வேலையும்கவுரவக் குறைவானது அல்ல.
*கடவுளுக்கு எத்தனையோ பெயர்கள் இருக்கின்றன. அதில், சத்தியம் என்பது தான் மிகச் சிறந்த பெயர்.
-மகாத்மா காந்தி