பெ.நா.பாளையம் : புதுப்புதுார் ஸ்ரீராமனுஜ கூடம் சார்பில், வரும் 12ம் தேதி மாணவர்களுக்கு திருப்பாவை ஒப்புவித்தல் போட்டி நடக்கிறது. பெரியநாயக்கன்பாளையம் அருகே புதுப்புதுாரில் ஆதிமூர்த்தி பெருமாள் கோவில் உள்ளது. இங்கு ராமநவமியையொட்டி ஏப்., 8ம் தேதி பெரியநாயக்கன்பாளையம் ஆண்டாள் கோஷ்டியினர் சார்பில் ராமாயண சேவா காலமும், திருவாராதனை நிகழ்ச்சிகளும் நடக்கிறது. ஏப்., 12ம் தேதி சனிக்கிழமை திருப்பாவை போட்டி நடக்கிறது. இதில் 18 வயதுக்குட்பட்ட இருபாலாரும் கலந்து கொள்ளலாம். நான்காம் வகுப்பு முதல் 12ம் வகுப்பு வரை படிக்கும் மாணவ, மாணவிகளுக்காக நான்கு பிரிவுகளாக நடத்தப்படும் இப்போட்டியில் கலந்து கொண்டு வெற்றி பெறுபவர்களுக்கு ரொக்கப்பரிசு, சான்றிதழ் ஆகியன வழங்கப்படும். போட்டியில் கலந்து கொள்ள விரும்புவர்கள் ஸ்ரீராமனுஜ கூடத்தின் செயலாளர் நாராயண ராமானுஜதாசரை 76399 69707 என்ற எண்ணில் தொடர்பு கொள்ளலாம்.