நக்கீரர், கபிலர், பரணர் உள்ளிட்ட 49 புலவர்கள், பொருள் இலக்கணத்திற்கு உரை வகுத்து, மதுரையை ஆண்ட செண்பகப் பாண்டியனின் அவையில் சமர்ப்பித்தனர். அனைவரும் தங்களுடைய உரையே சிறந்தது என வாதிட்டனர். இதனால் சிறந்த உரையை தேர்ந்தெடுத்து தரவேண்டுமென, மதுரை தெய்வம்  சுந்தரேஸ்வரரிடம் பாண்டிய மன்னன் முறையிட்டான். அப்போது அசரீரி ஒலித்தது.“இவ்வூரிலுள்ள உப்பூரிக்குடிக்கிழார் என்பவரின் மகன் உருத்திரசன்மன் மூலம் சிறந்த உரையைத் தேர்வு செய்யுங்கள். அவன் வேறு யாருமல்ல; எனது மகன் முருகனே,” என்றது. மன்னன் அந்த குழந்தையை தேடிச்சென்று பார்த்தபோது அவன் பேசும் திறனற்றவனாக இருந்தான். இருப்பினும் இறைவனின் உத்தரவுப் படி அவனை வணங்கி சபைக்கு அழைத்து வந்தனர். அனைத்து புலவர்களும் தங்கள் உரையை அவன் முன் வாசித்தனர். நக்கீரர் தனது உரையை வாசித்தபோது, அதுவே சரியான உரை என தீர்ப்பு வழங்கினான் சிறுவன்.இப்படி முருகப்பெருமானே மதுரைக்கு வந்து தமிழ்நுõல் ஒன்றுக்கு சரியான உரையைத் தந்திருக்கிறார். இந்த நிகழ்வு பற்றி அருணகிரிநாதர் திருப்புகழில் பாடியுள்ளார். விராலிமலை முருகனைக் குறித்து பாடிய பாடலில் இந்தத் தகவல் உள்ளது.