மரக்காணம்: அனுமந்தை அங்காளம்மன் கோவில் அமாவாசை விழா நடந்தது. மரக்காணம் ஒன்றியம், அனுமந்தை அங்காளம்மன் கோவில் ஆடி அமாவாசை விழா நடந்தது. விழாதவயொட்டி, கடந்த 13ம் தேதி காலை கோவிலில் உள்ள விநாயகர், முருகன், நவகிரகங்கள் மற்றும் பரிவார மூர்த்திகளுக்கு சிறப்பு பூஜை நடந்தது. அன்று இரவு 7:00 மணிக்கு அன்னதானம் நடந்தது. சிறப்பு அலங்காரத்தில் அங்காளம்மன் அருள் பாலித்தார். நள்ளிரவு 12:00 மணியளவில் அங்காளம்மனுக்கு தீச்சட்டி ஏந்தும் நிகழ்ச்சி நடந்தது. இதில் ஏராளமான பக்தர்கள் கலந்துக் கொண்டனர். கோவில் தர்மகர்த்தா சின்னசாமி, ஊராட்சி தலைவர் கலைவாணி ராஜேந்திரன், மாவட்ட கவுன்சிலர் சத்தியா ரவிவர்மன் மற்றும் விழாக் குழவினர் கலந்துக் கொண்டனர்.