ஸ்ரீவில்லிபுத்துார்: ஸ்ரீவில்லிபுத்துார் ஆண்டாள் கோயிலுடன் இணைந்த கிருஷ்ணர் கோயிலில் இன்றிரவு 8 மணிக்கு சயனசேவை நடக்கிறது. ஆண்டாள் ஆடிப்பூர திருவிழாவின் 7ம் திருநாளான இன்று காலை 8.30 மணியளவில் ஆண்டாள், ரெங்கமன்னார் மண்டபம் எழுந்தருளல் நடக்கிறது. முக்கிய நிகழ்வான ஆண்டாள் மடியில் ரெங்கமன்னார் சயனத்திருக்கோல சேவை இரவு 8 மணிக்கு துவங்கி 11 மணி வரை நடக்கிறது.ஏற்பாடுகளை தக்கார் ரவிசந்திரன், செயல் அலுவலர் ராமராஜா தலைமையில் கோயில் அலுவலர்கள் செய்துள்ளனர்.