நாமகிரிப்பேட்டை: நாமகிரிப்பேட்டை அடுத்த, சிங்களாந்தபுரம் அண்ணமார் சுவாமி கோவில் கும்பாபிஷேகம், வரும், 3ல் நடக்கிறது. ராசிபுரம் அடுத்த சிங்களாந்தபுரம் கிராமத்தில், காக்காவேரி அண்ணமார் கோவில் கட்டப்பட்டுள்ளது. இதில் விநாயகர் கோவில், சின்னண்ணன், பெரியண்ணன், தங்காய், பெரியாண்டியம்மன், கன்னிமார், கருப்பண்ணசாமி ஆகிய சுவாமிகளுக்கு தனித்தனியாக கோவில்கள் உள்ளன. இக்கோவில் கும்பாபிஷேகம், வரும், 3ல் நடக்கிறது. முன்னதாக, இன்று மங்கள இசை, கணபதி ஹோமத்துடன் நிகழ்ச்சி துவங்குகிறது. நாளை, இரண்டாம், மூன்றாம் கால யாக பூஜை, கோ பூஜை, மண்டபார்ச்சனை, அஷ்டபந்தன மருந்து சாற்றுதல் நடக்கிறது. வரும், 3ல் காலை, 4:00 மணிக்கு நான்காம் கால யாக பூஜையும், கலசங்கள் புறப்பாடு, 6:00 மணிக்கு மேல், கலசங்களுக்கு புணித நீர் ஊற்ற கும்பாபிஷேக விழா நடக்கிறது. தொடர்ந்து தீபாரதனையுடன் பிரசாதம் வழங்கப்படுகிறது.