தர்மபுரி: தர்மபுரி மாவட்டம் ஏ.ஜெட்டிஅள்ளி பஞ்.,க்கு உட்பட்ட தேங்காய்மரத்துப்பட்டி முத்துமாரியம்மன் கோவில் மஹா கும்பாபிஷேகம், நாளை (பிப்.,2) காலை, 7:30 மணிக்கு மேல், 9:00 மணிக்குள் நடக்கிறது. இதையொட்டி, இன்று மாலை, 6:00 மணிக்கு கணபதி பூஜை, ஹோமம், வாஸ்து பூஜை, கங்கணம் கட்டுதல் உள்ளிட்டவை நடக்கிறது. இரவு, 8:00 மணிக்கு யாகசாலை பிரவேசம், முதற்கால யாகபூஜை துவங்குகிறது. இரவு, 10:30 மணிக்கு, கோபுரத்தில் கலசம் வைக்கப்படுகிறது. நாளை காலை, 7:30 மணிக்கு மேல், முத்துமாரியம்மன் கோவில் மஹா கும்பாபிஷேகம் நடக்கிறது. நிகழ்ச்சிக்கான ஏற்பாடுகளை, விழாக்குழுவினர் மற்றும் ஊர் பொதுமக்கள் செய்து வருகின்றனர்.