நகரி: கரிய மாணிக்க பெருமாள் கோவிலில், நாளை, ரத சப்தமி விழா நடக்கிறது. சித்துார் மாவட்டம், நகரி டவுனில் உள்ளது, கரிய மாணிக்க பெருமாள் கோவில். இக்கோவில், திருமலை திருப்பதி தேவஸ்தான கட்டுப்பாட்டில் உள்ளது. நாளை, கோவிலில் ரத சப்தமி விழா நடைபெறுகிறது. இதையொட்டி, அதிகாலை, 5:00 மணிக்கு, சுப்ரபாதம் சேவையும், காலை, 6:00 மணிக்கு, மூலவருக்கு சிறப்பு அபிஷேகம் மற்றும் தீபாராதனை நடக்கிறது. காலை, 10:00 மணி முதல், 11:00 மணி வரை, ஸ்ரீதேவி, பூதேவி சமேத உற்சவருக்கு திருமஞ்சனம் சேவையும், மாலை, 5:30 மணி முதல் இரவு, 7:00 மணி வரை, உற்சவருக்கு திருக்கல்யாணம் நிகழ்ச்சியும் நடக்கிறது. தொடர்ந்து, உற்சவர் பெருமாள் சிறப்பு அலங்காரத்தில் வீதியுலா வந்து பக்தர்களுக்கு அருள்பாலிக்கிறார்.