கீழக்கரை: திருப்புல்லாணி ஆதிஜெகநாதப்பெருமாள் கோயிலுடன்  இணைந்த சன்னதியில் பட்டாபிஷேக ராமர் சமேத சீதா பிராட்டியார், பரதன், சத்துருக்கனன், லட்சுமணர், ஆஞ்சநேயர்
கோயில் உள்ளது. சித்திரை மாதம் சைத்ரோத்ஸவ உற்சவம் நடக்கும். வருகிற மே 2ல் காலை 9:30 மணிக்கு பட்டாபிஷேக ராமர் சன்னதி முன்புறமுள்ள கொடிமரத்தில் கொடிப்பட்டம்
ஏற்றும் நிகழ்ச்சி நடக்கிறது. மே 7 இரவு 7:00 மணிக்கு திருக்கல்யாண உற்சவமும், மே 10 காலை 9:00 முதல் 10:00 மணிக்குள் தேரோட்டம் நடக்கிறது. மே 12 வரை தொடர்ந்து 10 நாட்களுக்கு விசேஷ திருமஞ்சனம், வீதியுலா, தீர்த்தவாரி உற்சவம், மண்டகப்படி பூஜைகள் நடைபெறும். ஏற்பாடுகளை ராமநாதபுரம் சமஸ்தானம், தேவஸ்தான நிர்வாகத்தினர் செய்து வருகின்றனர்.