கிருஷ்ணராயபுரம்: லாலாப்பேட்டை, கடைவீதி மாரியம்மன் கோவில் திருவிழாவை முன்னிட்டு, அம்மன் சிறப்பு அலங்காரம் செய்யப்பட்டு, முக்கிய வீதிகளின் வழியாக திருவீதி உலா நடந்தது. கிருஷ்ணராயபுரம் தாலுகா, கள்ளப்பள்ளி பஞ்சாயத்து, லாலாப்பேட்டை கடை வீதியில் மாரியம்மன் கோவில் உள்ளது. விழாவை முன்னிட்டு, நேற்று காலை அம்மன் சிறப்பு அலங்காரம் செய்யப்பட்டு சிறப்பு பூஜைகள் நடந்தன. 13 அடி உயரம் உள்ள தேரில், அம்மன் வைக்கப்பட்டு லாலாப்பேட்டை முக்கிய வீதிகள் வழியாக ஊர்வலமாக எடுத்து செல்லப்பட்டது. அம்மனை பொதுமக்கள் வழிபட்டனர். பல இடங்களில் நீர்மோர் வழங்கப்பட்டது. லாலாப்பேட்டை சுற்றுவட்டார பகுதிகளில் இருந்து, ஏராளமான பக்தர்கள் கலந்து கொண்டு, அம்மனை தரிசனம் செய்தனர்.