தேவதானப்பட்டி, ஆடிவெள்ளி, வரலட்சுமி விரதத்தை முன்னிட்டு தேவதானப்பட்டி பகுதி அம்மன் கோயில்களில் சிறப்பு பூஜைகள் நடந்தது. தேவதானப்பட்டி மூங்கிலணை காமாட்சி அம்மன் கோயிலில் பக்தர்கள் கூட்டம் அதிகமாக இருந்தது. அம்மனுக்கு சிறப்பு அபிஷேகம், ஆராதனை நடந்தது.
*குள்ளப்புரம் மருதகாளியம்மன் கோயிலுக்கு தேனி, மதுரை, திண்டுக்கல் உள்ளிட்ட மாவட்டங்களில் இருந்து வந்த பக்தர்கள் சிறப்பு அலங்காரத்தில் இருந்த அம்மனை தரிசித்தனர். பக்தர்களுக்கு கூழ் வழங்கப்பட்டது.
*வைகை அணை வரதராஜ்நகர் பத்ரகாளியம்மன் கோயிலில் சிறப்பு பூஜைகள் நடந்தது. அம்மன் சிறப்பு அலங்காரத்தில் பக்தர்களுக்கு அருள் பாலித்தார்.
*போடி:
* போடி அருகே மலைமீதுள்ள வடமலைநாச்சியம்மன் கோயிலில் அம்மனுக்கு சிறப்பு பூஜைகள் நடந்தது. சிறப்பு அலங்காரத்தில் அம்மன் பக்தர்களுக்கு அருள்பாலித்தார். ஏராளமான பெண்கள் தரிசனம் செய்தனர்.
* விசுவாசபுரம் பத்திரகாளியம்மன் கோயிலில் அம்மனுக்கு வளையல் அலங்காரம் செய்யப்பட்டு, அபிஷேகம், தீபாராதனைகள் நடந்தது. மழை வேண்டி அம்மனுக்கு கூழ்காய்ச்சி பக்தர்களுக்கு வழங்கப்பட்டது.
* குலாலர்பாளையம் காளியம்மன் கோயிலில் அம்மனுக்கு சிறப்பு பூஜை, அபிஷேகம், தீபாராதனை நடந்தது. பெண்கள் எலுமிச்சையில் தீபம் ஏற்றி வழிபட்டனர்.
* போடி மேலத்தெரு சவுடேஸ்வரி அம்மன், நந்தவனம் காளியம்மன், சாலைக்காளியம்மன், புதுக்காலனி ஆதிபராசக்தி கோயிலில் பராசக்தி, சுப்பிரமணியர் கோயிலில் துர்க்கை அம்மனுக்கு சிறப்பு பூஜை நடந்தது.
*தேவாரம்:
தேவாரம் பராசக்தி மாரியம்மன் கோயிலில் வரலட்சுமி விரதத்தை முன்னிட்டு விளக்கு பூஜை நடந்தது. அம்மன் வரலட்சுமி அலங்காரத்தில் அருள்பாலித்தார். பங்கேற்ற பெண்களுக்கு மங்கள பொருட்கள் வழங்கப்பட்டன. அன்னதானம் நடைபெற்றது. ஏற்பாடுகளை காமராஜர் நாடார் உறவின்முறை நிர்வாகிகள் செய்திருந்தனர்.