ராமேஸ்வரம்: ராமேஸ்வரம் ராமநாதசுவாமி கோயிலில் புனித நீராட ஆன் லைனில் டிக்கெட் பெற்று கொள்ளலாம். ராமேஸ்வரம் கடல் அக்னி தீர்த்தம் மற்றும் கோயிலுக்குள் உள்ள 22 தீர்த்தங்களில் நீராடினால் பாவங்கள் நீங்கும் என்பது நம்பிக்கை. தினமும் 20 ஆயிரம் பக்தர்கள் கோயிலில் புனித நீராடி செல்கின்றனர். இதற்காக ஒரு பக்தருக்கு கிணற்றில் இருந்து தீர்த்தம் எடுத்து ஊற்றும் கட்டணம் உள்பட ரூபாய் 25 ஐ கோயில் நிர்வாகம் கட்டணமாக வசூலிக்கிறது. ஆனால் இறைத்து ஊற்றுபவர்கள் சிலர் ரூபாய் 100 முதல் 200 வரை கூடுதல் கட்டணம் வசூலிப்பதாக புகார் எழுந்தது. இதையடுத்து கோயிலில் நீராட விரும்பும் பக்தர்கள் www.rameswaramtemple.tnhrce.in என்ற ஆன்லைன் முகவரியில் பதிவு செய்து பிரின்ட் எடுத்து நேரடியாக கோயிலில் காண்பித்து புனித நீராடலாம். மேலும் சிறப்பு தரிசனம், ருத்ராபிேஷகம், பஞ்சமிர்தம் அபிேஷகம் உள்ளிட்டவற்றுக்கு கையடக்க கணினி மூலம் டிக்கெட் வழங்கப்படுகிறது.