திருக்கழுக்குன்றம்: வேதகிரீஸ்வரர் கோவிலில், இன்று பவுர்ணமி விழா நடைபெறுகிறது. திருக்கழுக்குன்றத்தில் புகழ்பெற்ற கோவிலாக வேதகிரீஸ்வரர் கோவில் உள்ளது. இங்கு, மாதந்தோறும் பவுர்ணமி கிரிவலம் மற்றும் சிறப்பு அபிஷேகம் விமரிசையாக நடைபெறும். கடந்த மாத பவுர்ணமி, சந்திர கிரகணத்துடன் வந்ததால், பக்தர்கள் அதிகளவில் கிரிவலம் செல்லவில்லை. இந்நிலையில், மாசி மகத்துடன் கூடிய பவுர்ணமி இன்று வருவதால், ஆயிரக்கணக்கான பக்தர்கள் பங்கேற்பர் என, எதிர்பார்க்கப்படுகிறு. இதையொட்டி, சுவாமிக்கு, காலை மஹா அபிஷேகமும், மாலை சிறப்பு அர்ச்சனையும் நடைபெறுகிறது. இதற்காக, சுற்றுப்புற பகுதிகளில், உள்ளாட்சி நிர்வாகம் சார்பில் சுகாதார பணிகள் மேற்கொள்ளப்படுகின்றன. போலீஸ் பாதுகாப்பும் போடப்பட்டுள்ளது.