குளித்தலை: மாசி மகப் பெருவிழாவையொட்டி, குளித்தலை கடம்பவனேஸ்வரர் கோவில் பெரிய தேரோட்டம் விமரிசையாக நடந்தது. குளித்தலை கடம்பவனேஸ்வரர்கோவில், முற்றிலா முலையம்மை உடனுறை கடம்பவனேஸ்வரர் கோவில் மாசி மகப்பெருவிழா கடந்த, 19ல் கொடியேற்றத்துடன் தொடங்கியது. ஒன்பதாம் நாள் நிகழ்ச்சியான நேற்று காலை, 9:30 மணியளவில், திருத்தேர் வடம் பிடித்து தேரோட்டம் நடந்தது. இதில் சுற்றுவட்டார பகுதிகளைச் சேர்ந்த ஆயிரக்கணக்கான பக்தர்கள் கலந்து கொண்டனர். பலர் நேர்த்திக் கடனாக, பொதுமக்களுக்கு அன்னதானம் வழங்கினர்.