ஸ்ரீவில்லிபுத்துார், ஸ்ரீவில்லிபுத்துார் ஆண்டாள் கோயிலுக்கு கவர்னர் வருகையை முன்னிட்டு, பாதுகாப்புபடையினர் ஆய்வு மேற்கொண்டனர். ஸ்ரீவில்லிபுத்துார் ஆண்டாள் கோயிலில் சுவாமிதரிசனம் செய்வதற்காக, நாளை (மே11)காலை 10:00 மணிக்கு,தமிழக கவர்னர் பன்வாரிலால் புரோகித் வருகிறார். இதை முன்னிட்டு கோயிலில் கூடுதல் பாதுகாப்பு ஏற்பாடுகள் செய்யபட்டுள்ளன. மேலும்,மேற்கொள்ளப்படவேண்டிய பாதுகாப்பு ஏற்பாடுகள் குறித்து, பாதுகாப்பு படை அதிகாரி மோகன்தாஸ் தலைமையிலான குழுவினர் ,நேற்று காலை 10:15 மணிக்கு ஸ்ரீவி., கோயிலுக்கு வந்தனர். கோயிலில் கவர்னர் தரிசனம் செய்யும் இடங்களை பார்வையிட்டு, ஒன்றரை மணிநேரம் ஆய்வு செய்தனர். கோயில் செயல்அலுவலர் நாகராஜன், வருவாய், போலீஸ்துறையினரும் பங்கேற்றனர்.