புதுச்சேரி:அங்காள பரமேஸ்வரி அம்மன் கோவிலில், கந்த சஷ்டி விழா, வரும் 8ம் தேதி துவங்குகிறது.புதுச்சேரி, சின்ன சுப்ராயப் பிள்ளை வீதியில் உள்ள அங்காளம்மன் கோவிலில், வள்ளி  தெய்வானை சமேத சுப்ரமணிய சுவாமி சன்னதி அமைந்துள்ளது. இங்கு, கந்த சஷ்டி விழா, நாளை மறுநாள் 8ம் தேதியன்று துவங்குகிறது.விழாவின் முக்கிய நிகழ்வாக, வரும் 12ம் தேதியன்று,  வேல் வாங்கும் உற்சவமும், 13ம் தேதி மாலையில் சூரசம்ஹாரமும் நடக்கிறது. 14ம் தேதியன்று, மாலை 6:00 மணி முதல், 7:30 மணிக்குள் சுவாமிக்கு திருக்கல்யாண உற்சவத்துக்கு ஏற்பாடு  செய்யப்பட்டுள்ளது.விழாவை முன்னிட்டு, தினசரி காலை 7.00 மணியளவில் சுவாமிக்கு அபிஷேகமும், மாலை 6:30 மணியளவில் சத்ரு சம்ஹார திரிசத அர்ச்சனையும் நடக்கிறது.விழா ஏற்பாடுகளை,  கோவில் அறங்காவலர் குழு தலைவர் விஜயகுமார் தலைமையில் அறங்காவலர் குழுவினரும், கோவில் நிர்வாக அதிகாரி ஜெனார்த்தனனும் செய்து வருகின்றனர்.