பழநி :பழநி மாரியம்மன் கோயில் மாசித்திருவிழாவின் முக்கிய நிகழ்ச்சியாக, இன்று இரவு 7 மணிக்கு திருக்கல்யாணம், நாளை தேர்த்திருவிழா நடக்கிறது.
இங்கு விழா பிப்.,17 ல் தொடங்கியது. இன்று மாலை 4.30 மணிக்கு திருக்கல்யாணத்திற்கு பொருட்கள் கொண்டு வருவர். இரவு 7 மணிக்கு திருக்கல்யாணம், மாவிளக்கு பூஜை நடக்கும். அம்மன் தங்கக் குதிரை வாகனத்தில் உலா வருவார். நாளை மாலை 4 மணிக்கு திருத்தேரில் அம்மன் எழுந்தருள்வார். இரவு 10 மணிக்கு வாண வேடிக்கை, அதிகாலை 3 மணிக்கு திருக்கம்பத்தை கங்கையில் சேர்த்தலும் நடைபெறும். ஏற்பாடுகளை இணை கமிஷனர் பாஸ்கரன், துணை கமிஷனர் மங்கையர்க்கரசி செய்துள்ளனர்.