தமிழ் புத்தாண்டு (விகாரி வருடம்) ஏப்ரல் 14ம் தேதி கடக ராசி ஆயில்யம் நட்சத்திரத்தில் பிறக்கிறது. உங்கள் நட்சத்திரத்திற்கான பலன் ..

அவிட்டம் 3,4ம் பாதம்: உடன்பிறந்தவரால் நன்மை கிடைக்கும். தொழிலில் லாபத்திற்கு குறைவிருக்காது எதிரி தொல்லை மறையும். பொது நிகழ்ச்சிகளில் பங்கேற்பீர்கள். 2019 அக்டோபர் முதல் வீட்டில் உறவினர் வருகை அதிகரிக்கும். விருந்து, விழா என சென்று மகிழ்வீர்கள். புதிய வேலைவாய்ப்பு கிடைக்கும். தொழிலில் சீரான வளர்ச்சி ஏற்படும். ஆன்மிக சிந்தனை மேலோங்கும்.

சதயம்: கொடுக்கல், வாங்கலில் கவனம் தேவை. தந்தை நலன் குறித்த கவலை தீரும். வியாபாரம், கணிதம், எழுத்து, பத்திரிகை துறையினர் பொறுப்புடன் செயல்படுவது நல்லது. 2019 அக்டோபர் முதல் ஆடை, ஆபரணம் வாங்குவீர்கள். உடல்நலனில் அக்கறை தேவை. குறிப்பாக கண் பிரச்னைக்கு சிகிச்சை தேவைப்படும். நண்பர்களால் உதவி கிடைக்கும்.

பூரட்டாதி1,2,3ம் பாதம்: குடும்பத்தில் மகிழ்ச்சி நிலைக்கும். பிள்ளைகளால் பெருமை சேரும். பொருளாதார நிலையில் முன்னேற்றம் காண்பீர்கள். வர வேண்டிய பாக்கி வசூலாகும். கடன் பிரச்னை தீரும். 2019 அக்டோபர் முதல் பேச்சில் திறமை பளிச்சிடும். அரசியல்வாதிகள், பணியாளர்கள், மருத்துவர்கள், கலைஞர்கள் நல்ல வளர்ச்சி காண்பர். தொழிலில் லாபம் கூடும். எதிர்பார்த்த சுபசெய்தி வந்து சேரும்.