மாமல்லபுரம்: திருவிடந்தை, நித்ய கல்யாண பெருமாள் கோவில் பிரம்மோற்சவம், தெப்போற்சவத்துடன் நிறைவு பெற்றது.இக்கோவிலில், கடந்த, 18ல், சித்திரை பிரம்மோற்சவ விழா துவங்கி, தினமும், காலை, இரவு, உற்சவங்கள் நடந்தன.முக்கிய உற்சவங்களாக, 24ல், கருடசேவை, 25ல், திருத்தேர் உற்சவம் நடந்தது.இறுதி நாளான நேற்று முன்தினம், இரவு, 9:00 மணிக்கு, சுவாமி, தேவியருடன், திருக்குள அலங்கார தெப்பத்தில் எழுந்தருளி, 10:00 மணி வரை, ஒன்பது சுற்றுகள் வலம் வந்தார். தொடர்ந்து, வீதியுலா சென்று, பிரம்மோற்சவம் நிறைவுபெற்றது.விடையாற்றி உற்சவம், நேற்று துவங்கி, நாளை வரை நடக்கிறது.