நடுவீரப்பட்டு: நடுவீரப்பட்டு நரியன் ஓடை கரையில் உள்ள பாதாள காளி மற்றும் பிரத்தியங் காரதேவி கோவிலில், ஐப்பசி மாத அமாவாசையை முன்னிட்டு, நேற்று (ஆக்., 28ல்) நிகும்பலா யாகம் நடந்தது.

மதியம் 1:00 மணிக்கு பிரத்தியங்கராதேவி ஆலய மண்டபத்தில் கலசம் ஸ்தாபனம் செய்யப் பட்டு, யாக வேள்விகள் ஆரம்பமானது. மதியம் 1:30 மணிக்கு யாகத்தில் மிளகாய் வற்றல்கள் கொட்டப்பட்டு நிகும்பலா யாகம் நடந்தது.

தொடர்ந்து மகா பூர்ணாஹூதி நடந்து யாக வேள்வியில் வைக்கப்பட்ட கலசம் ஆலய உலா வாக வந்து பிரத்தியங்கரா தேவிக்கு கலச அபிஷேகம் நடந்தது.

மதியம் 2:00 மணிக்கு பாதாள காளிக்கு சிறப்பு அபிஷேக ஆராதனை நடந்தது. 2:15 மணிக்கு மகா தீபாராதனை நடந்தது.விழாவில் ஏராளமான பக்தர்கள் கலந்து கொண்டனர். ஏற்பாடு களை ஆலய நிர்வாகி அறிவழகன் குருக்கள் செய்திருந்தார்.