திருச்சி: "சமயபுரம் மாரியம்மன் கோவில் சித்திரை தேரோட்டத்தை முன்னிட்டு திருச்சி மாவட்டத்துக்கு நாளை (17ம்தேதி) உள்ளூர் விடுமுறை அளிக்கப்பட்டுள்ளது என, கலெக்டர் ஜெயஸ்ரீ தெரிவித்துள்ளார். அவர் வெளியிட்ட அறிக்கையில் கூறியிருப்பதாவது: சமயபுரம் மாரியம்மன் கோவில் சித்திரை தேர்திருவிழா நாளை (17ம் தேதி) நடக்கிறது. இதையொட்டி திருச்சி மாவட்டத்தில் உள்ள அனைத்து மாநில அரசு அலுவகங்கள் மற்றும் கல்வி நிறுவனங்களுக்கு (தேர்வு நடக்கும் கல்வி நிறுவனங்கள் தவிர), நாளை ஒருநாள் மட்டும் உள்ளூர் விடுமுறை அளிக்கப்பட்டுள்ளது. உள்ளூர் விடுமுறை நாளான நாளை, திருச்சி மாவட்ட கருவூலம் மற்றும் சார்நிலை கருவூலகங்களும் குறிப்பிட்ட பணியாளர்களோடு செயல்படும். இந்த விடுமுறையை ஈடுசெய்யும் வகையில், திருச்சி மாவட்டத்திலுள்ள அனைத்து அரசு அலுவலகங்களும் வரும் மே 12ம் தேதி (2வது சனிக்கிழமை) வேலை நாளாக
செயல்படும்.