பவுர்ணமி, சங்கடஹர சதுர்த்தி, பிரதோஷம், அமாவாசை, மகா சிவராத்திரி
திறக்கும் நேரம்:
காலை 6.00 மணி முதல் 11.00 மணி வரை, மாலை 4.00 மணி முதல் இரவு 8.00 மணி வரை திறந்திருக்கும்.
முகவரி:
ஸ்ரீ நகரீஸ்வரர் கோவில்,
ஸ்ரீ பூரண புஷ்கலை சமேத ஸ்ரீ தர்ம சாஸ்தா கோவில்
கிழக்கு ராஜவீதி, பெரிய காஞ்சிபுரம்
போன்:
+91 82202 72392, 99521 12093
பொது தகவல்:
எல்லாத் துறைகளிலும் சிறப்புற்றுத் திகழும் நகரம் காஞ்சி. அந்தக் காஞ்சி என்னும் மகுடத்தில் மற்றுமொரு வைரக்கல்லாக இருப்பது 'கோயில்களின் நகரம்' என்ற பெருமை. அந்தக்கல்லில் ஒரு சிறு கூறுதான் நகரீஸ்வரர் கோயில். ஆம்! கல்லிலே கலைவண்ணம் கண்டவர்கள் பல்லவர்கள். அவர்களில் மகேந்திரவர்மன் காலத்தில் கட்டப்பட்ட கோயில் அது. குளுமையான கோயில். இனிமையான தென்றல் காற்று சுற்றிவரும் பிரகாரம். வெளிச்சமான சன்னிதிகள் என பல்வேறு சிறப்புகளை கொண்டிருக்கிறது. இந்த நகரத்துக்கே ஈஸ்வரர் என்பதால் மூலவருக்கு நகரீஸ்வரர் என்ற பெயர் ஏற்பட்டது. இவரை தரிசித்ததும் எந்தப் பிரச்னையும் நிரந்தரம் இல்லை என்று நம் மனதில் தோன்றும். நிமிடங்கள் நகர்வதுபோல் வருத்தங்களும் நகர்ந்துவிடும்.
பின் பிரகாரத்தை சுற்றி வந்தால் நமது கண்ணில் சிறிய சன்னதி தென்படும். அங்கு அற்புதமாக செய்யப்பட்டிருக்கும் பதினெட்டு படிகள், படியில் குவித்து வைக்கப்பட்டிருக்கும் நெல், பூக்கள், பொன்னாக ஜொலிக்கும் குத்து விளக்குகளை பார்த்ததும் நமக்கு புல்லரிப்பு ஏற்படும். ஆம்! அங்கு வீற்றிருக்கும் தர்ம சாஸ்தா என்னும் பாலகனின் புன்சிரிப்பு பரவசத்தை தரும். குட்டிப் பையனாக, அழகானாக இருக்கும் அவர் பூரண, புஷ்கலையுடன் காட்சி தருகிறார்.
சனிதோறும் அவருக்கு அலங்காரமும், பக்தர்களுக்கு அன்னதானமும் சிறப்பாக நடைபெறுகிறது. அதில் கலந்து கொள்ளுங்கள். ஏனெனில் சோறு சாப்பிடத் தேவையானது பசி மட்டுமல்ல. மன நிம்மதி. இந்த மனநிம்மதி என்னும் அமிர்தம் இங்கு கிடைக்கும். பிறகு என்ன... ஒரு நடை போய் வாருங்கள். உங்களது கண்ணிற்கு புதிய பாதை தென்படும். எல்லாம் நல்லதாகவே நடக்கும். தல விருட்சமாக வன்னி மரம் உள்ளது. இங்கு கால பைரவர், வள்ளலார், ஷீரடி சாய்பாபா சன்னதியும் உள்ளன.
பிரார்த்தனை
தான் செய்த பாபங்களில் இருந்து விடுபட இங்கு பிராத்தனை செய்கின்றனர். நகரீஸ்வரரை வணங்குபவர்களுக்கு பாவ விமோசனம் கிடைக்கும் என பக்தர்கள் நம்புகின்றனர்.
நேர்த்திக்கடன்:
சிவலிங்கத்திற்கு வஸ்திரம் சாற்றி பூஜை செய்கின்றனர்
தலபெருமை:
கோஷ்ட மூர்த்திகள் சோழர் காலத்தைச் சேர்ந்தவை. புராணக்கதையின்படி , மூலவர் இந்திரனால் பிரதிஷ்டை செய்யப்பட்டார், மேலும் இது ஒரு பாவ விமோசன ஸ்தலம் ஆகும்.
முக்கிய அம்சங்கள் இந்த கோயில் கிழக்கு நோக்கி அமைந்துள்ளது, அதன் கிழக்குப் பக்கத்தில் ஒரு நுழைவாயில் வளைவு உள்ளது. நுழைவாயிலுக்குப் பிறகு, உலோகத் தகடு வேயப்பட்ட ஒரு கொட்டகையில் பலிபீடமும் ரிஷபமும் அமைந்துள்ளன. கோஷ்டத்தில் விநாயகர், தட்சிணாமூர்த்தி, திருமால், பிரம்மா மற்றும் துர்கை ஆகியோர் உள்ளனர். பிரஹாரத்தில் ஆஞ்சநேயர், வல்லப கணபதி, வள்ளி தேவசேனா ஆறுமுகர், சண்டிகேஸ்வரர், கால பைரவர், மகாவிஷ்ணு, சூரியன்.
கட்டிடக்கலை: இக்கோயில் கருவறை, அந்தராளம் மற்றும் அர்த்த மண்டபம் ஆகியவற்றைக் கொண்டுள்ளது. இக்கோயில் செங்கற்களால் கட்டப்பட்டுள்ளது மற்றும் இது பிற்காலத்தில் கட்டப்பட்டதாகத் தெரிகிறது. கருவறையின் மீது இரண்டு அடுக்கு நகர விமானம் அமைந்துள்ளது.
கல்வெட்டுகள்: இந்த கோயில் சோழர் காலத்தைச் சேர்ந்தது. அதை நிரூபிக்க கோயிலில் கல்வெட்டுகள் வடிவில் எந்தச் சான்றும் இல்லை. இருப்பினும், கோஷ்ட மூர்த்திகள் சோழர் காலத்தைச் சேர்ந்தவை. புராணக்கதையின்படி , மூலவர் இந்திரனால் பிரதிஷ்டை செய்யப்பட்டார், மேலும் இது ஒரு பாவ விமோசன ஸ்தலம் ஆகும். இந்த நகரம் / காஞ்சிபுரத்தின் உருவாக்கத்திற்கு சிவபெருமானே காரணம், எனவே இது நகரீஸ்வரர் என்று அழைக்கப்படுகிறது..
தல வரலாறு:
காஞ்சிபுரம் நகரத்தை உருவாக்குவதற்கு சிவபெருமான் காரணமாக இருந்ததாகவும் நம்பிக்கையாக இருக்கிறது. எனவே இந்த தளத்தில் இருக்கும் சிவபெருமானுக்கு நகரீஸ்வரர் என்ற பெயர் வந்ததாகவும், பக்தர்களின் நம்பிக்கையாக உள்ளது. இந்த கோவில் நூறு ஆண்டுகள் பழமையானது. மூலவர் சிலையாக இருக்கும் சிவபெருமானை, புராண காலகட்டத்தில் இந்திரனால் நிறுவப்பட்டது என நம்பப்படுகிறது. இந்திரன் சிவபெருமானை நோக்கி இக்கோவிலில், தான் செய்த பாவங்களில் இருந்து விடுபட சிவலிங்கத்தை பூஜை செய்து வந்ததால் இந்திரனுக்கு பாவ விமோசனம் கிடைத்ததாக புராண கதைகள் கூறுகின்றன.
சிறப்பம்சம்:
அதிசயத்தின் அடிப்படையில்:கோஷ்ட மூர்த்திகள் சோழர் காலத்தைச் சேர்ந்தவை. புராணக்கதையின்படி , மூலவர் இந்திரனால் பிரதிஷ்டை செய்யப்பட்டவர் என்பது சிறப்பு.
Subscription 
நேரடி ஒளிபரப்பு 
![[Image1]](javascript:load('popupimage.php?Photo=T_1024_2415.jpg'))
![[Gal1]](javascript:load('popupimage.php?Photo=G_L1_2415.jpg'))
)
![[Gal1]](javascript:load('popupimage.php?Photo=G_L3_2415.jpg'))
)
![[Gal1]](javascript:load('popupimage.php?Photo=G_L5_2415.jpg'))
)
