நடுவீரப்பட்டு:நடுவீரப்பட்டு காமாட்சியம்மன் சமேத கைலாசநாதர் கோவிலில் நேற்று முன் தினம் (டிசம்., 2ல்), மூன்றாம் சோமவாரத்தை முன்னிட்டு, 108 சங்காபிஷேகம் நடந்தது.

மதியம் 2:00 மணிக்கு விநாயகர், காமாட்சியம்மன் சமேத கைலாசநாதர், வள்ளி தேவசேனா சுப்ரமணியர் மற்றும் பரிவார மூர்த்திகளுக்கு சிறப்பு அபிஷேக ஆராதனை நடந்தது. மதியம் 3:00 மணிக்கு 108 சங்கு ஸ்தாபனம் செய்யப்பட்டு, சிறப்பு ஹோம பூஜை நடந்தது. 6:00 மணிக்கு ஹோமம வேள்வியில் வைக்கப்பட்ட கலசங்கள் ஆலய உலாவாக வந்து சுவாமிக்கு கலச அபிஷேகம் மற்றும் 108 சங்கு அபிஷேகம் நடந்தது.அதனை தொடர்ந்து மகா தீபாராதனை நடந்தது. இரவு 7:00 மணிக்கு சுவாமி சிறப்பு அலங்காரத்தில் பக்தர்களுக்கு அருள்பாலித்தார். சி.என்.பாளையம் மலையாண்டர் கோவிலில் 108 சங்கு அபிஷேகம் நடந்தது.