புதுச்சத்திரம்:புதுச்சத்திரம் அடுத்த அய்யம்பேட்டை கண்ணணூர் மாரியம்மன் கோவிலில் கும்பாபிஷேகம் நடந்தது.

கடந்த 30ம் தேதி காலை 10.00 மணிக்கு அனுக்ஞை, விக்னேஸ்வர பூஜை, லட்சுமி பூஜை, மாலை 6.00 மணிக்கு வாஸ்துசாந்தி, பிரவேசபலி, கும்பாலங்காரம், 8.00 மணிக்கு முதற்கால யாகபூஜை, இரவு 10.00 மணிக்கு பூர்ணாஹூதி தீபாராதனை நடந்தது.ஒன்றாம் தேதி, காலை 7.00 மணிக்கு இரண்டாம் கால யாக பூஜை, அங்குரார்பணம், வேதார்ச்சனை, கோபுர கலசங்கள் கரிகோலம், இரவு 7.00 மணிக்கு மூன்றாம் கால யாக பூஜை, 9.00 மணிக்கு பூர்ணாஹூதி தீபாராதனை நடந்தது. இரண்டாம் தேதி காலை 7.00 மணிக்கு நான்காம் காலயாக பூஜை துவக்கம், 8.00 மணிக்கு நாடிசந்தானம், தத்துவார்ச்சனை, பூர்ணாஹூதி தீபாராதனை, 9.00 மணிக்கு கடம் புறப்பாடு செய்து, 10.00 கும்பாபிஷேகம் நடந்தது.