திருச்சி : அனுமன் ஜெயந்தி முன்னிட்டு, திருச்சி கல்லுக்குழி ஆஞ்சநேயர் கோவிலில் உற்சவர் ஆஞ்சநேயருக்கு லட்சத்து எட்டு வடைகள் அலங்காரம் செய்யப்பட்டு, பக்தர்களுக்கு காட்சி அளித்தார்.

திருச்சி கல்லுக்குழியில் பிரசித்தி பெற்ற ஆஞ்சநேய ஸ்வாமி கோவில் அமைந்துள்ளது. இக்கோவிலில், இன்று (டிச.,25) அனுமன் ஜெயந்தி விழா நடைபெறுகிறது. விழாவை முன்னிட்டு, 1,00,008 வடமாலை சாற்றுதல் மற்றும் ஏகதின லட்சார்ச்சனை நடைபெற்றது. அதிகாலை, 5.30 மணிக்கு சிறப்பு அபிஷேகம் மற்றும் ஆராதனை, காலை, 7 மணிக்கு வடமாலை சாற்றுதல் நடைபெற்றது. காலை. 9 மணி முதல், மதியம், 1 மணி வரையும், மாலை, 4.30 மணி முதல், இரவு, 8 மணி வரை ஏகதின லட்சார்ச்சனை நடைபெறும். விழாவை முன்னிட்டு பிரசாதமும், சிறப்பு அன்னதானம் பக்தர்களுக்கு வழங்கப்படுகிறது.