சென்னை : மாசி மாத பிரம்மோற்சவத்தை முன்னிட்டு சென்னை திருவொற்றியூர் தியாகராஜ சுவாமி திருக்கல்யாண உற்சவம் வெகு விமர்சியாக நடைபெற்றது. இதில் பலவித மலர் அலங்காரங்களுடன் கல்லயாண கோலத்தில் கல்யாண சுந்தரர் பக்தர்களுக்கு காட்சியளித்தார். ஏராளமான பக்தர்கள் தரிசனம் செய்தனர்.

திருவொற்றியூர், தியாகராஜ சுவாமி உடனுறை வடிவுடையம்மன் கோவில் பிரசித்தி பெற்றது. இக்கோவிலில், ஆண்டுதோறும், மாசி மாதத்தில், பிரம்மோற்சவம் நடக்கும். இந்தாண்டு, மாசி பிரம்மோற்சவம், 29ம் தேதி, கொடியேற்றத்துடன் துவங்கியது. தொடர்ந்து, உற்சவர் சந்திரசேகரர், சூரிய, சந்திரபிரபை உள்ளிட்ட வாகனங்களில் எழுந்தருளி, மாடவீதி உலா வந்தார். விழாவில் சந்திரசேகரர் திருத்தேர் உற்சவம், நேற்று காலை நடந்தது.  முக்கிய நிகழ்வான திருக்கல்யாணம், இன்று காலை நடைபெற்றது. தொடர்ந்து, மாலையில், 63 நாயன்மார்கள் ஊர்வலம், இரவு, மகிழடி சேவை போன்ற நிகழ்வுகள் நடக்கும்.10ம் தேதி இரவு, பந்தம்பறி உற்சவம், தியாகராஜர், 18 திருநடனத்துடன் விழா நிறைவுறும்.