பரமக்குடி: பரமக்குடி அருகே உள்ள அரியனேந்தல் கருமலையான் கோயில் மாசிக் களரி விழா நடந்தது. மாசி களரி திருவிழாவில் கருமலையான், ராக்கச்சி அம்மன், முனியப்பசாமி, பாப்பாத்தி அம்மன், சோனை கருப்பண்ணசாமி உள்ளிட்ட தெய்வங்களுக்கு அபிஷேக, ஆராதனைகள் நடந்தன. சாமி ஆடி வந்தவர்கள், பக்தர்கள் அனைவருக்கும் மஞ்சள் பூசி ஆசீர்வதித்தனர்.நேற்று முன்தினம் இரவு ஆடு பலியிட்டு பக்தர்கள் நேர்த்திக் கடனை செலுத்தினர். நேற்று காலை கரும்பாலை தொட்டி எடுத்து குழந்தைகளுக்கு வேண்டுதலை நிறைவேற்றினர். விழாவில் அரியனேந்தல் கிராம தலைவர் ராமன், துணைத்தலைவர் சண்முகம், பரமக்குடி ஒன்றிய துணைச்சேர்மன் ராஜேந்திரன், ஊராட்சித்தலைவர் மணிமுத்து, துணைத்தலைவர் பாப்பா, சிவக்குமார், மற்றும் கிராம பொதுமக்கள் கலந்து கொண்டனர்.