விழுப்புரம் : விழுப்புரம் அடுத்த நன்னாடு விநாயகர், முத்துமாரியம்மன், ரதி மன்மதன், பெத்தாத்தம்மன், பொறையாத்தம்மன் மற்றும் பூரணி பொற்கலை சமேத ஐயனாரப்பன் சுவாமிகளுக்கு உற்சவ விழா நடந்தது.
விழாவையொட்டி, கடந்த 4ம் தேதி ரதி மன்மதன் சுவாமிகளுக்கு திருக்கல்யாணம் மற்றும் வீதியுலா நடந்தது.6ம் தேதி காலை 9:00 மணிக்கு மாரியம்மன் கரகம் வீதியுலா, பகல் 1:00 மணிக்கு சாகை வார்த்தல், மாலை 4:00 மணிக்கு பெத்தாத்தம்மன் கரகம் கரம் பொறையாத்தம்மன் கோவிலுக்கு அழைத்து வந்து ஊரணி பொங்கல் நடந்தது.தொடர்ந்து, இரவு 7:00 மணிக்கு ஐயனாரப்பன் கோவிலில் ஊரணி பொங்கல் வழிபாடு, இரவு 9:00 மணிக்கு காத்தவராயனுக்கு கும்பமிட்டு படைத்தல் நடந்தது. இதையடுத்து, 10ம் தேதி காலை 11:00 மணியளவில் பொறையாத்தம்மன் திருத்தேர் வீதியுலா நடந்தது. இதில், ஏராளமான பொதுமக்கள் தேர் வடம் பிடித்து இழுத்தனர்.