திருவாடானை : திருவெற்றியூரில் அர்ச்சனைக்காக தேங்காய், பழம் வாங்கி செல்லும் பக்தர்கள் ஏமாற்றத்துடன் திரும்பினர். திருவாடானை அருகே திருவெற்றியூருக்கு ஏராளமான பக்தர்கள் சுவாமி தரிசனம் செய்ய சென்றனர். கோயில்வாசலில் உள்ள தேங்காய்,பழம் வியாபாரிகள் அர்ச்சனை தட்டுகளை வியாபாரம் செய்தனர். ஆனால் கோயிலுக்குள் சென்றவுடன் ஊரடங்கு தடையால் சிவாச்சாரியார்கள் அர்ச்சனை செய்ய மறுப்பதால் ஏமாற்றத்துடன் திரும்பினர்.பக்தர்கள் கூறியதாவது: கோயில்களில் அர்ச்சனைக்கு தடைவிதித்திருப்பது கவலையாக உள்ளது. வேண்டுதல் நிறைவேற அர்ச்சனை செய்வது அத்தியாவசியமாக இருப்பதால் ஊரடங்கை தளர்த்தி அர்ச்சனை செய்ய அரசு உத்தரவிட வேண்டும். வாங்கிய அர்ச்சனை தட்டுகளில் தேங்காய்களை கோயில் வாசலில் உடைத்தும், பூவை வெளியே உள்ள விநாயகருக்கு போடுகிறோம், என்றனர்.