அன்னுார்: மொண்டிபாளையம் கோவிலில், சனிக்கிழமை தவிர மற்ற நாட்களில் பெருமாளை தரிசிக்கலாம் என, தெரிவிக்கப்பட்டுள்ளது.

மொண்டிபாளையம், வெங்கடேச பெருமாள் கோவிலில், புரட்டாசி மாத சனிக்கிழமைகளில், பக்தர்கள் தரிசனம் ரத்து செய்யப்பட்டுள்ளது. திருக்கோவில் நிர்வாகம் வெளியிட்டுள்ள அறிக்கையில், புரட்டாசி மாதம் முழுவதுமே, பெருமாளுக்கு உகந்தது. ஐந்து சனிக்கிழமைகள் தவிர மற்ற, நாட்களில், வெங்கடேச பெருமாள் கோவில், காலை 7:00 மணி முதல் மதியம் 12:00 மணி வரையும், மாலை 4:00 மணி முதல், இரவு 7:00 மணி வரையும் பக்தர்கள் தரிசனத்திற்காக திறந்திருக்கும். சடாரி, தீர்த்தம், அபிஷேகம் வழங்குதல் ஆகிய சேவைகள் இருக்காது. மாஸ்க் அணிந்து, சமூக இடைவெளிவிட்டு, சனிக்கிழமை தவிர மற்ற நாட்களில் பெருமாளை தரிசிக்கலாம் என தெரிவிக்கப்பட்டுள்ளது.