மேலுார் : மேலுார் அருகே அரிட்டாபட்டி இளமநாயகி அம்மன் கோயில் புரட்டாசி திருவிழாவில் ஏராளமான பக்தர்கள் நேர்த்திக்கடன் செலுத்தினர். விழாவையொட்டி நேற்று முன்தினம் கிராம மந்தையில் இருந்து பெண்கள் முளைப்பாரி மற்றும் மாவிளக்கு எடுத்து மூன்று கி.மீ., துாரத்திலுள்ள கோயிலுக்கு ஊர்வலமாக வந்தனர். ஆண்களின் ஒயிலாட்டம் நடந்தது. சப்த கன்னிகள் எனப்படும் ஏழை குழந்தைகள் பூக்கூடை சுமந்து சென்றனர். விவசாயம் செழிக்கவும், நோயின்றி மக்கள் எல்லா வளமும் பெறவும் பக்தர்கள் வாழைமட்டை பிரி சுற்றியும், தேத்தாண்டி எனப்படும் மாறு வேடம் தரித்தும் நேர்த்திக்கடன் செலுத்தினர்.