திட்டக்குடி: திட்டக்குடி பகுதி பெருமாள் கோவில்களில் வைகுண்ட ஏகாதசியையொட்டி நடந்த சொர்க்கவாசல் திறப்பு விழாவில் பக்தர்கள் பங்கேற்று வழிபாடு செய்தனர்.

திட்டக்குடி வதிஷ்டபுரம் திருமகிழ்ந்தவல்லி சமேத ரெங்கநாத பெருமாள் கோவிலில் இன்று அதிகாலை 3.30 முதல் சிறப்பு வழிபாடுகள், பூஜைகள் நடந்தது. தொடர்ந்து 5மணிக்கு சொர்க்கவாசல் திறப்புவிழா விமர்சையாக நடந்தது. ஆழ்வார் மரியாதையுடன் நம்மாழ்வார் ரெங்கநாத பெருமாள் கோவில் வெளிபிரகார வலம் வரும் நிகழ்ச்சியுடன், ராப்பத்து உற்சவம் துவங்கியது. நிகழ்ச்சியை ஆகம வேதபாடசாலை ஆகம ஆசிரியர் வரதசிங்காச்சாரியார், கோவில் பட்டாச்சாரியர் ராகவன் நடத்தினர். இதேபோன்று திட்டக்குடி வேதாந்தவல்லி சமேத சுகாசன பெருமாள் கோவிலில் ஸ்ரீதர் பட்டாச்சாரியார் முன்னிலையில் சிறப்பு பூஜைகளுடன், 5.30மணிக்கு சொர்க்கவாசல் திறப்பு விழா நடந்தது. கூத்தப்பன்குடிகாடு ஸ்ரீதேவி, பூதேவி வரதராஜ பெருமாள் கோவில் சொர்க்கவாசல் திறப்புவிழாவில் பக்தர்கள் பங்கேற்று வழிபாடு செய்தனர்.