புதுச்சேரி; முத்தியால்பேட்டை மஞ்சினி நகர் வரதவல்லி மாரியம்மன் கோவில் கும்பாபிஷேகம் நேற்று நடந்தது.விழாவையொட்டி, கடந்த 13ம் தேதி கோ பூஜை, விக்னேஸ்வர பூஜை, மகா கணபதி ஹோமம், நவக்கிரக ஹோமம், லட்சுமி பூஜை, தன பூஜை நடந்தது. 14ம் தேதி காலை 8:00 மணிக்கு, இரண்டாம் கால யாக பூஜை, தீபாராதனை, மாலை 6:00 மணிக்கு மூன்றாம் கால யாக பூஜைகள் நடந்தது.நேற்று காலை 4:30 மணிக்கு, நான்காம் கால யாக பூஜை, கலச புறப்பாடு நடந்தது. 9:00 மணிக்கு மேல் விநாயகர், வரதவல்லி மாரியம்மன், முருகன், பரிவார மூர்த்தி விமானங்களுக்கும், ராஜகோபுரத்திற்கு கும்பாபிஷேகம் நடந்தது. மதியம் 12:00 மணிக்கு மகா அபிஷேகம் நடந்தது.விழாவில், இந்து அறநிலையத்துறை செயலர் மகேஷ், ஆணையர் சிவசங்கரன் மற்றும் விழா கமிட்டி உறுப்பினர்கள் கலந்து கொண்டனர்.