எலச்சிபாளையம்: எலச்சிபாளையம் ஒன்றியம், பொம்மம்பட்டி கிராமம், அல்லாள புரத்தில் உள்ள புடவைக்காரியம்மன், வீரகாரன் சுவாமி கோவிலில், ஆண்டுதோறும் முப்பூஜை திருவிழா நடப்பது வழக்கம். இந்தாண்டு விழா, இன்று இரவு, 8:00 மணிக்கு மஞ்சள் முடிப்புடன் திருவிழா தொடங்குகிறது. வரும், 4 மாலை, வீட்டுகோவில் பூஜை, தீர்த்தக்குடம் எடுத்தல், பால்குடம் எடுத்து அபி ?ஷகம் செய்தல் உள்ளிட்ட நிகழ்ச்சிகள் நடக்கின்றன. 5 இரவு, 12:00 மணிக்குமேல், உற்சவர் வீட்டு கோவிலில் இருந்து வாணவேடிக்கையுடன் படைக்கலம் புறப்படுதல், இரவு, 1:00 மணிக்கு கன்னிமார் அழைத்தல், இரவு, 2:00 மணிக்கு பொங்கல் வைத்தல், கிடாவெட்டுதல் நிகழ்ச்சி; 6 அதிகாலை, 4:00 மணிக்கு வீரகாரன் பூஜை, 5:00 மணிக்கு காவு சாதம் கொடுத்தல் நடைபெறும்.