திருவெற்றியூர் : கோயில்களில் சுவாமிக்கு அர்ச்சனை செய்யமுடியாமல் தரிசனம் செய்வதால் பக்தர்கள் கவலையடைந்துள்ளனர் திருவாடானை அருகே திருவெற்றியூரில் பாகம்பிரியாள் கோயிலுக்கு வெளிமாவட்டங்களை சேர்ந்த ஏராளமான பக்தர்கள் வருவர். முடிக்காணிக்கை, உள்ளிட்ட நேர்த்தி கடன்செலுத்துவர்.ஜூலை 5 முதல் கொரோனா ஊரடங்கு தளர்வுக்கு பின் பக்தர்கள் சுவாமி தரிசனம் செய்கின்றனர். ஆனால் சுவாமிக்கு அர்ச்சனை செய்வது இல்லை.இது குறித்து பக்தர்கள் கூறியதாவது:கடவுளுக்கு செய்யப்படும் ஆறு வகை உபாச்சாரங்களில் அர்ச்சனையே முக்கியத்துவம் வாய்ந்தது. ஆகவே சுவாமிக்கு அர்ச்சனை செய்யவும், முடிக்காணிக்கை செலுத்தவும் அரசு நடவடிக்கை எடுக்கவேண்டும் என்றனர்.