மதுரை : மதுரை மீனாட்சி அம்மன் கோயிலில் ஆடி முளைக்கொட்டு திருவிழா கொடியேற்றத்துடன் துவங்கியது

மதுரை மீனாட்சி அம்மன் கோவிலில் இந்த ஆண்டுக்கான ஆடி முளைக்கொட்டு திருவிழா நேற்று கொடியேற்றத்துடன் தொடங்கியது. வரும் 22ம் தேதி வரை 10 நாட்கள் நடக்கிறது.
விழாவின் முதல் நாளான நேற்று உற்சவர் மீனாட்சி அம்மன் சிறப்பு அலங்காரத்தில் அம்மன் சன்னதி ஆறுகால் பீடத்தில் எழுந்தருளினார். மீனாட்சி அம்மன் சன்னதி கொடிமரத்தில் கொடியேற்றத்துடன் ஆடி முளைக்கொட்டு திருவிழா துவங்கியது. தொடர்ந்து அம்மனுக்கு சிறப்பு பூஜை செய்து, தீபாராதனை காண்பிக்கப்பட்டது. நேற்று இரவு அம்மன் சிம்ம வாகனத்தில் எழுந்தருளி வீதி உலா வந்தார். பக்தர்கள தரிசனம் செய்தனர். விழா நாட்களில் மீனாட்சி அம்மன் காலை, இரவு நேரங்களில் ஆடி வீதிகளில் வலம் வந்து பக்தர்களுக்கு காட்சி அளிக்கிறார்.