விழுப்புரம்: கொரோனா தொற்று தடுப்பு நடவடிக்கையாக நாளை 3ம் தேதி முதல் 4 நாட்களுக்கு மேல்மலையனுார் அங்காளம்மன் கோவிலில் பக்தர்கள் தரிசனம் ரத்து செய்யப்படுகிறது. கலெக்டர் மோகன் வெளியிட்டுள்ள செய்திக்குறிப்பு:கொரோனா தொற்று பரவலைத் தடுக்கும் பொருட்டு பக்தர்களின் பாதுகாப்பு கருதி அரசின் விதிமுறைக்குட்பட்டு, நாளை 3ம் தேதி முதல் 6ம் தேதி வரை 4 நாட்களுக்கு, மேல்மலையனுார் அங்காளம்மன் கோவிலில் பக்தர்கள் தரிசனம் ரத்து செய்யப்படுகிறது.மேலும், அமாவாசை தினமான 6ம் தேதி கோவிலில் ஊஞ்சல் உற்சவமும் ரத்து செய்யப்படுகிறது. தமிழக அரசு போக்குவரத்துத்துறை சார்பில் சிறப்பு பஸ்கள் இயக்கப்படாது.இவ்வாறு செய்திக்குறிப்பில் கூறப்பட்டுள்ளது.