சோழந்தூர்: தேவிபட்டினம் அருகே நாராயணமங்கலம் ஊராட்சிக்குட்பட்ட, வேலாங்குளம் நாச்சியம்மன் கோவில் கும்பாபிஷேகம் நடைபெற்றது. விழாவை முன்னிட்டு கணபதி ஹோமம், வாஸ்து சாந்தி, விக்னேஸ்வர வழிபாடு, கோ பூஜை நடைபெற்றன. பின்பு யாகசாலை பூஜைகள் நடைபெற்றன. தொடர்ந்து யாகசாலையில், பூஜை செய்யப்பட்ட புனிதநீர், கோவில் கோபுரத்தில் ஊற்றப்பட்டு கும்பாபிஷேகம் நடைபெற்றது. பின்பு மூலவருக்கு நடைபெற்ற சிறப்பு அபிஷேக ஆராதனையில், ஏராளமான பக்தர்கள் கலந்துகொண்டு தரிசனம் செய்தனர்.