பெண்ணாடம் : பெண்ணாடம் அடுத்த புத்தேரி ஸ்ரீ தேவி, பூதேவி சமேத வரதராஜ பெருமாள் கோவிலில், புரட்டாசி மாத முதல் சனிக்கிழமை சிறப்பு வழிபாடு நடந்தது.

இதையொட்டி நேற்று காலை 10:00 மணியளவில் உலக மக்கள் நலன்பெற வேண்டி, சிறப்பு பூஜை; காலை 10:30 மணியளவில் சுவாமிகளுக்கு சிறப்பு அபிேஷகம், தீபாராதனை நடந்தது. மாலை 6:00 மணியளவில் மூலவர் ஸ்ரீ தேவி, பூதேவி சமேத வரதராஜ பெருமாள் சுவாமிக்கு சிறப்பு பூஜை; இரவு 7:00 மணியளவில் மகா தீபாராதனை நடந்தது. இரவு 8:00 மணியளவில் அலங்கரிக்கப்பட்ட உற்சவர் சுவாமிகள் புஷ்ப அலங்காரத்தில் வீதியுலா வந்து அருள்பாலித்தனர்.

வரும் 25ம் தேதி காய்கறி அலங்காரம், அக்டோபர் 2ம் தேதி பழ அலங்காரம், 9ம் தேதி சந்தனகாப்பு அலங்காரம், 16ம் தேதி பணம், நகை அலங்காரம் மற்றும் சிறப்பு வழிபாடுகள் நடக்கிறது.பூஜை ஏற்பாடுகளை, பஞ்சவடீ, பஞ்சமுக ஆஞ்சநேயர் கோவில் தலைவர் கோதண்டராமன், புத்தேரி வரதராஜ பெருமாள் கோவில் தலைவர் தமிழ்மணி ராதாகிருஷ்ணன், ஆலய ஆலோசகர் ராதாகிருஷ்ணன் செய்தனர்.