திருவண்ணாமலை: திருவண்ணாமலை, அருணாசலேஸ்வரர் கோவில் ராஜகோபுரம் மீது ஏறி, தற்கொலை மிரட்டல் விடுத்த வாலிபர் மீட்கப்பட்டார். புதுச்சேரி, காரைக்காலை சேர்ந்தவர் புரு ேஷாத்தமன், 23. கடந்த மூன்று மாதங்களாக திருவண்ணாமலையில் தங்கி உள்ளார். இவரது நண்பர் அருணாச்சலம், இவருடைய மொபைல்போனை பறித்து கொண்டு தப்பினார். இதில், விரக்தியடைந்த புரு ேஷாத்தமன் திருவண்ணாமலை அருணாசலேஸ்வரர் கோவில் ராஜகோபுரம் மீது, நேற்று மதியம், 1:00 மணிக்கு ஏறி தற்கொலை செய்து கொள்வதாக மிரட்டல் விடுத்தார். திருவண்ணாமலை டவுன் போலீசார் மற்றும் தீயணைப்பு துறையினர், அவரிடம் பேச்சுவார்த்தை நடத்தி, ஒரு மணி நேரத்திற்கு பிறகு பத்திரமாக மீட்டு, போலீஸ் ஸ்டேஷனுக்கு விசாரணைக்கு அழைத்து சென்றனர்.