ராமேஸ்வரம்: ராமேஸ்வரம் ராமநாதசுவாமி கோயில் உண்டியலில் ரூ.1.21 கோடி காணிக்கையாக கிடைத்தது.

ராமேஸ்வரம் கோயிலில் 2 மாதம் பின் நேற்று சுவாமி, பர்வதவர்த்தினி அம்மன், பஞ்சமூர்த்திகள் சன்னதிகள் முன்புள்ள உண்டியல்கள் கோயில் இணை ஆணையர் பழனிகுமார் முன்னிலையில் திறக்கப்பட்டது. பின் காணிக்கைகள் சேகரித்து கோயில் கல்யாண மண்டபத்தில் கோயில் மேலாளர் சீனிவாசன், பேஸ்கார்கள் கமலநாதன், அண்ணாதுரை, முனியசாமி, கோயில் ஊழியர்கள் பலர் எண்ணினர். இதில் ரொக்கப்பணம் 1 கோடி, 21 லட்சத்து, 99 ஆயிரத்து, 253 ரூபாயும், தங்கம் 94 கிராம், வெள்ளி 1 கிலோ 900 கிராம் காணிக்கையாக கிடைத்தது.